ဗဟုသုတ

၁၂ဒေါ်လာခွဲ နဲ့ ၀ယ်ခဲ့တဲ့စိန်ကို ပြန်လည်ရောင်းချရာမှာ ဒေါ်လာ ၈သိန်းကျော်ဈေးရခဲ့

၁၂ဒေါ်လာခွဲနဲ့ ၀ယ်ခဲ့တဲ့ ပစ္စည်းတစ်ခုဟာ ပြန်ရောင်းတဲ့အခါ ဒေါ်လာ သိန်းချီပြီးရခဲ့တယ်ဆိုရင် အံသြမိမှာပါ။ မူရင်းရောင်းခဲ့တဲ့သူအတွက် ဆုံးရှုံးမှုကြီး ဖြစ်ပြီး အမှတ်မထင် ၀ယ်ယူမိခဲ့တဲ့သူအတွက်တော့ ကံကောင်းမူကြီးဖြစ်ပါတယ်။
ပြီးခဲ့တဲ့ ရက်က နာမည်ကြီး အရောင်းအ၀ယ်ကုမ္ပဏီကြီး Sotheby’s က ပြုလုပ်တဲ့ Sotheby’s Fine Jewels လေလံပွဲမှာ ဒီစိန်လက်စွပ်ဟာ မူရင်းဈေး ဒေါ်လာ ၃သိန်းကျော်သာ ခန့်မှန်းထားပေမယ့် တကယ်ရောင်းခဲ့တဲ့အခါမှာတော့ ဒေါ်လာ ၈သိန်းခွဲနီးပါးရရှိခဲ့ပါတယ်။


ဒီစိန်လက်စွပ်မှာ စိန် ၂၆.၂၇ကာရက်ပါဝင်ပြီး ၁၉ရာစုဝန်းကျင်က စိန်သားဖြစ်တဲ့အပြင် စိန်သားလုံးဝကျဆင်းခြင်း မရှိခဲ့တဲ့အတွက်ဈေးကောင်းရခဲ့ခြင်းဖြစ်ပါတယ်။ ရောင်းချခဲ့တဲ့သူတွေဟာ ဒီစိန်ကို ၁၉၈၀ ၀န်းကျင်က အင်္ဂလန် Isleworth မြို့က car boot sale တစ်ခုမှာ ၁၂ဒေါ်လာခွဲနဲ့ ၀ယ်ယူခဲ့တာဖြစ်ပါတယ်။ car boot sale ဆိုတာ လူတွေက သူတို့အိမ်မှာအသုံးမ၀င်တဲ့ ပစ္စည်းတွေကို ဈေးပေါပေါနဲ့ရောင်းချတဲ့ပွဲပါ။ အင်္ဂလန်က လူစည်ကားတဲ့ဘူတာတွေမှာ မကြာခဏပြုလုပ်လေ့ရှိပါတယ်။
အဲဒီတုန်းက ဒီစိန်ဟာ တန်ဖိုးကြီးမှန်းမသိခဲ့ပဲ သာမန်အ၀တ်အထည် အလှဆင်ပစ္စည်းတစ်ခုအဖြစ်သာ သုံးခဲ့တာပါ။ နားလည်တဲ့သူတွေနဲ့တွေ့တဲ့အခါမှာတော့ ဒီစိန်ဟာ တန်ဖိုးကြီးမှန်းသိလာခဲ့ပါတယ်။ နာမည်ကြီး တွင်းထွက်နဲ့ ရတနာသုတေသနအဖွဲ့ Gemological Institute of America ကိုပြကြည့်တဲ့အခါမှာတော့ ဒီစိန်ဟာ ရှေးဟောင်းပစ္စည်းအစစ်အမှန်ဖြစ်ကြောင်းစစ်ဆေးတွေ့ရှိရပြီး စိန်ရဲ့နာမည်ကို Tenner လို့ပေးလိုက်ပါတယ်။ ကံအလွန်ကောင်းတဲ့သူလို့ပဲ ဆိုရပါမယ်။

Click to comment

You must be logged in to post a comment Login

Leave a Reply

Popular

To Top