ဗဟုသုတ

နိမိတ္ကို မယံုလို့ အသက္ဆံုးရံႈးခဲ့ရတဲ့ အိမ္ေရွ့စံ

နိမိတ္ကို မယံု၍ အသက္ဆံုးရံႈးခဲ့ရေသာ အိမ္ေရွ့စံဆိုသည္မွာ စက္မႈျမန္မာနိုင္ငံကိုတည္ေထာင္ရန္ ႀကိဳးစားခဲ့သူ မင္းတုန္းမင္းတရားႀကီး၏ ညီေတာ္ ကေနာင္မင္းသားႀကီး ျဖစ္သည္။ ကေနာင္မင္းသားႀကီးသည္ မနၱေလးေတာင္ေျခရွိ မဟာေလာကမာရဇိန္ဘုရား (ကုသိုလ္ေတာ္ဘုရား) ပရိဝုဏ္အတြင္းတြင္ ေနာင္ေတာ္ဘုရား နွင့္ အစ္မေတာ္ဘုရားတို့ ပိဋကတ္ေတာ္ေက်ာက္ထက္ အကၡရာတင္ေရးကိစၥကို ႀကီးၾကပ္ရန္ေရာက္ရွိေနမည္ ျဖစ္သျဖင့္ ထိုေနရာသို့ နံနက္ေစာေစာသြားရန္ ခပ္သုတ္သုတ္ျပင္ဆင္ခဲ့သည္။ ျပင္ဆင္ျပီး အိမ္ေတာ္မွ အဆင္း အိမ္ေတာ္ေအာက္ဘက္သို့ ေရာက္သည္နွင့္ လွိုင္ထိပ္ေခါင္တင္မင္းသမီးက –
” ေမာင္ေတာ္ဘုရား ဒီကိစၥအတြက္ မသြားပါနဲ့လား” ဟူ၍ လက္အုပ္ခ်ီ၍ ေလွ်ာက္သည္။ အိမ္ေရွ့စံက ေနာက္လိုက္ေနာက္ပါမ်ားေရွ့တြင္ ျဖစ္၍ “လွိုင္ သတိထားေလ ။ ဘယ္လိုေၾကာင့္ ခုလိုတားဆီးေနရတာလဲ” ဟု အေမးေတာ္ရွိလိုက္သည္။

ထိုအခါ လႈိင္မင္းသမီးက-
“နွမေတာ္ရဲ့ အိပ္မက္ထဲမွာ ေမာင္ေတာ့္ေဗာင္းေတာ္ျပဳတ္က်တယ္လို့ ျမင္ပါတယ္။ ျပီးေတာ့ေမာင္ေတာ့္ဦးေခါင္းေတာ္ရိပ္ကိုလည္း မျမင္ပါ။ အတိတ္ နိမိတ္မေကာင္း၍ မသြားဖို့ တားရျခင္းျဖစ္ပါတယ္ ဘုရား” လို့ ျပန္ေလွ်ာက္ေသာ္ ကေနာင္မင္းသားလည္း-
” နွမေတာ္ ညက မအိပ္နိုင္လို့ အျမင္ေတြေမွာက္မွားေနတာ ျဖစ္မွာပါ။ စိတ္ေအးေအးထားပါ နွမေတာ္ ။ ေမာင္ေတာ္ဘာမွမျဖစ္နိုင္ပါဘူး ။ ေနာင္ေတာ့္ဆီကို ေမာင္ေတာ္မသြားလို့ မျဖစ္ဘူး။ လႈိင္လည္းအိမ္ေပၚတက္ေတာ့ ၊ ေမာင္ေတာ္လည္း ဆင္ေတာ္ေပၚတက္ေတာ့မယ္၊ ေမာင္ေတာ့္ကို လုပ္ျကံသတ္ျဖတ္နိုင္မယ့္သူ မေမြးေသးဘူးလို့ သာမွတ္” ဟူ၍ ေျပာဆိုကာ ျကြျမန္းလာခဲ့ပါသည္။

တစ္ဖတ္ လမ္းခုလတ္ရွိ ေခ်ာင္းတစ္ေခ်ာင္းကို ျဖတ္ကူးရာ ေဗာင္းေတာ္ကြ်တ္က်သျဖင့္ လိုက္ပါလာေသာ ပညာရွိအမတ္တို့က-
“ကိုယ္ေတာ္ႀကီးဘုရား …ေဗာင္းေတာ္ကြ်တ္က်သည္မွာ မေကာင္းေသာ ပုဗၺနိမိတ္ျဖစ္ပါသည္။ ေရွ႕ဆက္သြားရန္ မသင့္ေတာ္ပါ။ ေနာက္သို့သာ ျပန္လွည့္သင့္ပါသည္ ဘုရား” ဟူ၍ ဝိုင္းဝန္းေလွ်ာက္တင္ျက၏။

သို့ရာတြင္ ကေနာင္မင္းသားျကီးမွာ ယံုၾကည္မႈမရွိဘဲ တားသည့္ျကားမွ သြားျဖစ္ေအာင္သြားခဲ့ေသာေျကာင့္ ႀကိုတင္ျကံစည္ထားေသာ ျမင္ကြန္း ၊ ျမင္းခံုတိုင္တို့၏ လက္ခ်က္ျဖင့္ ေခါင္းျဖတ္လုပ္ႀကံ သတ္ျဖတ္ျခင္းကို ခံခဲ့ရရွာသည္။
ကြ်န္ေတာ္တို့ေနထိုင္ေသာ ကမၻာႀကီးမွာ ေတာင္ကြ်န္းျဖစ္သည္ဟု မွတ္သားရသည္။ ဇဗၺဴဒိပ္ နိမိတ္ထြန္း ဟူေသာစကားနွင့္ အညီ နိမိတ္ ၊ တေဘာင္ ၊ စနည္း ၊ ဘေဝါ တို့မွာ ေရွးအစဉ္အဆက္ သာဓကမ်ား ရွိခဲ့ေပရာ မယံုလို့လည္းမရ ။ ေရွ့ေျပးႀကိဳတင္ထင္ျမင္လာေသာ ပုဗၺနိမိတ္သည္ကား မွန္ပဲ မွန္နိုင္လြန္းေလစြ။

 


နိမိတ်ကို မယုံလို့ အသက်ဆုံးရှုံးခဲ့ရတဲ့ အိမ်ရှေ့စံ (unicode)

နိမိတ်ကို မယုံ၍ အသက်ဆုံးရှုံးခဲ့ရသော အိမ်ရှေ့စံဆိုသည်မှာ စက်မှုမြန်မာနိုင်ငံကိုတည်ထောင်ရန် ကြိုးစားခဲ့သူ မင်းတုန်းမင်းတရားကြီး၏ ညီတော် ကနောင်မင်းသားကြီး ဖြစ်သည်။ ကနောင်မင်းသားကြီးသည် မန္တလေးတောင်ခြေရှိ မဟာလောကမာရဇိန်ဘုရား (ကုသိုလ်တော်ဘုရား) ပရိဝုဏ်အတွင်းတွင် နောင်တော်ဘုရား နှင့် အစ်မတော်ဘုရားတို့ ပိဋကတ်တော်ကျောက်ထက် အက္ခရာတင်ရေးကိစ္စကို ကြီးကြပ်ရန်ရောက်ရှိနေမည် ဖြစ်သဖြင့် ထိုနေရာသို့ နံနက်စောစောသွားရန် ခပ်သုတ်သုတ်ပြင်ဆင်ခဲ့သည်။ ပြင်ဆင်ပြီး အိမ်တော်မှ အဆင်း အိမ်တော်အောက်ဘက်သို့ ရောက်သည်နှင့် လှိုင်ထိပ်ခေါင်တင်မင်းသမီးက –
” မောင်တော်ဘုရား ဒီကိစ္စအတွက် မသွားပါနဲ့လား” ဟူ၍ လက်အုပ်ချီ၍ လျှောက်သည်။ အိမ်ရှေ့စံက နောက်လိုက်နောက်ပါများရှေ့တွင် ဖြစ်၍ “လှိုင် သတိထားလေ ။ ဘယ်လိုကြောင့် ခုလိုတားဆီးနေရတာလဲ” ဟု အမေးတော်ရှိလိုက်သည်။

ထိုအခါ လှိုင်မင်းသမီးက-
“နှမတော်ရဲ့ အိပ်မက်ထဲမှာ မောင်တော့်ဗောင်းတော်ပြုတ်ကျတယ်လို့ မြင်ပါတယ်။ ပြီးတော့မောင်တော့်ဦးခေါင်းတော်ရိပ်ကိုလည်း မမြင်ပါ။ အတိတ် နိမိတ်မကောင်း၍ မသွားဖို့ တားရခြင်းဖြစ်ပါတယ် ဘုရား” လို့ ပြန်လျှောက်သော် ကနောင်မင်းသားလည်း-
” နှမတော် ညက မအိပ်နိုင်လို့ အမြင်တွေမှောက်မှားနေတာ ဖြစ်မှာပါ။ စိတ်အေးအေးထားပါ နှမတော် ။ မောင်တော်ဘာမှမဖြစ်နိုင်ပါဘူး ။ နောင်တော့်ဆီကို မောင်တော်မသွားလို့ မဖြစ်ဘူး။ လှိုင်လည်းအိမ်ပေါ်တက်တော့ ၊ မောင်တော်လည်း ဆင်တော်ပေါ်တက်တော့မယ်၊ မောင်တော့်ကို လုပ်ကြံသတ်ဖြတ်နိုင်မယ့်သူ မမွေးသေးဘူးလို့ သာမှတ်” ဟူ၍ ပြောဆိုကာ ကြွမြန်းလာခဲ့ပါသည်။
တစ်ဖတ် လမ်းခုလတ်ရှိ ချောင်းတစ်ချောင်းကို ဖြတ်ကူးရာ ဗောင်းတော်ကျွတ်ကျသဖြင့် လိုက်ပါလာသော ပညာရှိအမတ်တို့က-
“ကိုယ်တော်ကြီးဘုရား …ဗောင်းတော်ကျွတ်ကျသည်မှာ မကောင်းသော ပုဗ္ဗနိမိတ်ဖြစ်ပါသည်။ ရှေ့ဆက်သွားရန် မသင့်တော်ပါ။ နောက်သို့သာ ပြန်လှည့်သင့်ပါသည် ဘုရား” ဟူ၍ ဝိုင်းဝန်းလျှောက်တင်ကြ၏။

သို့ရာတွင် ကနောင်မင်းသားကြီးမှာ ယုံကြည်မှုမရှိဘဲ တားသည့်ကြားမှ သွားဖြစ်အောင်သွားခဲ့သောကြောင့် ကြိုတင်ကြံစည်ထားသော မြင်ကွန်း ၊ မြင်းခုံတိုင်တို့၏ လက်ချက်ဖြင့် ခေါင်းဖြတ်လုပ်ကြံ သတ်ဖြတ်ခြင်းကို ခံခဲ့ရရှာသည်။
ကျွန်တော်တို့နေထိုင်သော ကမ္ဘာကြီးမှာ တောင်ကျွန်းဖြစ်သည်ဟု မှတ်သားရသည်။ ဇဗ္ဗူဒိပ် နိမိတ်ထွန်း ဟူသောစကားနှင့် အညီ နိမိတ် ၊ တဘောင် ၊ စနည်း ၊ ဘဝေါ တို့မှာ ရှေးအစဉ်အဆက် သာဓကများ ရှိခဲ့ပေရာ မယုံလို့လည်းမရ ။ ရှေ့ပြေးကြိုတင်ထင်မြင်လာသော ပုဗ္ဗနိမိတ်သည်ကား မှန်ပဲ မှန်နိုင်လွန်းလေစွ။

Click to comment

You must be logged in to post a comment Login

Leave a Reply

Popular

To Top